MANILA, Philippines — Sinibak sa puwesto ang dalawang pulis sa Police Station 5 sa Angeles City, Pampanga makaraang magsagawa ng April Fools prank video.
Sa ulat, dalawang uniformed personnel na nagpakilalang mula sa Police Station 5 ang nakitang nag-e-escort ng isang lalaki sa patrol car.
Napag-alamang isa lamang itong prank at hindi legitimate operation.
Sasampahan naman ng kasong administratibo ang mga pulis dahil na rin sa paglabag ng health protocols laban sa COVID-19.
Sinabi ni Police Regional Office 3, director Police Brigadier General Valeriano de Leon, hindi niya pakikialaman ang direktiba ni Angeles City Mayor Carmelo Lazatin na sibakin ang dalawang pulis.