Founder ng ‘Ang Dating Daan’ Bro. Eli Soriano, pumanaw na
MANILA, Philippines — Kinumpirma ng Members Church of God International na pumanaw na si ‘Ang Dating Daan’ founder Eli Soriano sa edad na 73.
“It is with deep sadness, yet with full faith in the Almighty, that we announce the passing of our beloved and one and only Bro. Eliseo ‘Eli’ Soriano — a faithful preacher, brother, father, and grandfather to many,” ayon sa MCGI.
Hindi naman na isinapubliko ng religious organization ang dahilan ng pagkasawi ni Soriano.
Si Soriano ay isang church minister noong dekada 70 bago nagsimulang mag-host ng sarili niyang programa sa radyo noong 1980 hanggang sa magsimula na ring mag-broadcast sa telebisyon.
Sumikat siya sa porsyon ng kaniyang programa ng pagtatanong sa kaniya ng mga tagasubaybay at kakaibang uri ng mga sagot na minsan ay nakatatawa at madalas ay ibinibase niya sa interpretasyon niya sa Biblia.
- Latest
