Duterte kay Robredo ‘pag tumakbo kang Pangulo, waswasan kita!
MANILA, Philippines — “Marami ako sabihin sa’yo. Reserba ko na lang.When you start your campaign, ‘waswasan’ kita. This is your nightmare”.
Ito ang banta ni Pangulong Rodrigo Roa Duterte na matatapos ang termino sa June 2022 kay Vice-President Leni Robredo kapag tumakbong pangulo sa 2022 election.
Sa public address ni Pangulong Duterte, Martes ng gabi ay pinasaringan din nito si Robredo tungkol sa kung nasaan ito tuwing gabi.
“Kung sabihin ko tuloy sa iyo, what time did you go home? Ikaw noong gabi, anong oras ka umuwi? Isang bahay ka lang ba? Dalawang bahay ka? Tatanong lang ako kasi congressman ka. At kaninong bahay ka natagalan? Iyan ang sabihin ko sa iyo,” ani Duterte.
Sinabihan din ni Duterte si Robredo na huwag masyadong pumorma dahil hindi pa nito panahon.
“So huwag ka masyadong porma-porma, hindi mo talaga panahon. Hindi mo pa panahon. Not time to be making a grandstanding coming up with… Hindi ninyo alam na nagtatrabaho ako,” ani Duterte.
Tinawag din ni Pangulong Duterte na sinungaling si Robredo dahil sa umano’y paghahanap sa kaniya noong nanalasa ang bagyong “Ulysses.”.
Ipinaliwanag ng Pangulo na nasa online ASEAN Summit siya nang manalasa ang bagyo.
Sinabi ni Pangulong Duterte na si Robredo ang nagpasimula ng nasabing #NasaanAngPangulo na nag-trending din noong bagyong “Rolly.”
- Latest
