MANILA, Philippines — Inabswelto ng Armed Forces of the Philippines (AFP) ang aktres na si Angel Locsin na hindi ito miyembro ng New People’s Army (NPA).
Kaya naman ay nakahinga ng maluwag si Senador Panfilo Lacson sa pagdinig sa Senate Defense Committee kaugnay sa red-tagging ng militar sa ilang artista at personalidad kabilang na si Locsin, Liza Soberano, at 2018 Miss Universe Catriona Gray.
Tinanong ni Lacson si AFP Southern Luzon Command chief Lt. Gen. Antonio Parlade Jr., tungkol sa kontrobersyal na pahayag niya tungkol sa kapatid ni Locsin na si Ella Colmenares na umano’y kasapi sa NPA at hindi si Locsin.
I’m glad you mentioned in your own words that Angel Locsin is not an NPA. I’ll make a disclosure. Her fiancé, Neil Arce is a family friend. As a matter of fact, pag kinasal yun kukunin akong ninong,” wika ni Lacson.
“And I hope she’s monitoring para malaman niya na sa’yo [Parlade] mismo nanggaling na hindi siya NPA. And I think she will feel relieved coming from you na hindi siya NPA,” dagdag ni Lacson.