Metro Manila mayors nagkasundo sa unified curfew
Maliban sa Maynila, Muntinlupa at Pasig…
MANILA, Philippines — Napagkasunduan ng mga mayors sa Metro Manila maliban sa Maynila, Muntinlupa at Pasig ang pagpapatupad ng unified curfew mula alas-8 ng gabi hanggang alas-5 ng umaga.
Ito ang sinabi ni Presidential spokesman Harry Roque at ang nasabing tatlong siyudad na hindi muna makakasama sa unified curfew ay dahil kailangan pa nilang amiyendahan ang mga naipasang ordinansa.
Pero tiniyak ni Roque na makikiisa ang tatlong lungsod sa iba pang lugar sa NCR sa unified curfew.
Muling nilinaw ni Roque na hindi pa rin pinapayagan ang pagbubukas ng mga gyms, internet cafes at review centers sa Metro Manila at karatig lalagiwan na nasa general community quarantine.
Habang pinapayagan naman ang mass gatherings kabilang ang mga religious activities pero hindi dapat lalampas sa 10 tao ang dadalo.
Maaaring magbukas ang mga salons pero ang maximum capacity ay itatakda ng local government units (LGUs) at ang kapasidad din ng mga magbubukas na restaurants ay itatakda ng mga LGUs.
- Latest
