18 bilanggo sa Correctional, 1 staff positibo sa COVID-19
MANILA, Philippines — Labingwalong bilanggo sa Correctional Institution for Women (CIW) at isang Bucor staff sa Mandaluyong City ang nagpositibo sa COVID-19.
Sa ulat ni Corrections Superintendent Virginia Mangawit kay BuCor chief Gerald Bantag, nagsasagawa na sila ngayon ng contact tracing at testing sa CIW upang matukoy kung sino ang nakapagdala ng sakit sa loob ng kulungan.
Kabilang sa mga isinailalim sa COVID-19 testing sa tulong ng Philippine Red Cross ang 42 preso at 9 na Bucor medical staff.
Sinasabing pawang mild symptoms lamang ang mga nakitaan na positibo sa virus habang ang iba ay asymptomatic.
Sa ngayon, inilagay na sa isolation room at kasalukuyang minomonitor ang kalagayan ng mga nabanggit na preso na binibigyan din ng mga vitamins, gamot at food supplement upang mapalakas ang kanilang immune system.
- Latest
