MANILA, Philippines — Dead on the spot ang isang 27-anyos na mister nang ito ay pagbabarilin ng tatlong suspek sa harap ng kanyang misis sa Quezon City, kahapon ng madaling araw.
Ang nasawi ay nakilalang si Valentine Baltazar Guerrero, 27 ng Abra St., Brgy. Batasan Hills, Quezon City.
Sa ulat, bago nangyari ang krimen, ala-1:00 ng madaling araw sa Muñoz St., Batasan Hills ay kasama ng biktima ang misis nito na si Janine na kung saan ay kinakausap ang isang tricycle driver nang lapitan sila ng tatlong suspek at walang kaabug-abog na pinagbabaril ang biktima na naging dahilan ng agaran nitong kamatayan.
Patuloy ang imbestigasyon ng pulisya sa motibo ng krimen at pagkakakilanlan sa tatlong suspek.