MANILA, Philippines — Nasa P5 bilyon na ang danyos sa lalawigan ng Albay sa pananalasa ng bagyong Tisoy noong nakaraang linggo.
Sa tala ng Albay Provincial Safety and Emergency Management Office (APSEMO) pinakamaraming nasalanta ay ang mga kabahayan na nasa malapit sa karagatan lalo na sa bayan ng Pio Duran dahil sa daluyong.
Sinabi ni Cedric Daep, hepe ng APSEMO umabot na sa P2.23-bilyong piso ang halaga ng nasirang mga bahay kung saan higit 23 libong bahay ang totally damaged habang 77 libo ang partially damaged.
Sa mga nasirang imprastraktura gaya ng kalsada, tulay, sea walls at iba pa ay umabot sa P1.86-bilyong piso.
Sa mga nasirang school building ay umabot naman sa P409.63-milyong piso habang nasa P314-milyon ang nasira sa livestock at agriculture.