Gobyerno walang planong bayaran ang 2 water firm

MANILA, Philippines — Nanindigan ang Pa­lasyo na “onerous” ang kon­trata kaya’t walang planong magbayad ang gobyerno ng mahigit P10-bilyon sa dalawang water concessionaires ka­hit ina­tasan ito ng Singapore arbitration court.

“Hindi magbabayad, kasi nga onerous ‘yung kontrata eh, masyadong­ disadvantageous sa gob­yerno,” wika ni Presiden­tial Spokesman Salvador Panelo.

Inatasan ng Permanent­ Court of Arbitration sa Singapore ang gobyerno ng Pilipinas na bayaran ang Ayala-owned Ma­nila Water ng P7.39-bilyon dahil sa lugi nito mula June 2015 hanggang Novem­ber 2019. Habang pi­nag­­­babayad din ng korte ang Pilipinas sa Maynilad ng P3.4 billion dahil sa hindi pagpayag na magtaaas ng singil sa tubig mula 2013-2017.

Inakusahan ni Pangu­long Rodrigo Duterte ang dalawang water com­pa­nies na ginatasan ng bil­yon ang mga customers nito at naniniwala ang Pangulo na onerous ang kontrata na pinasok ng gobyerno noong 1997 kaya inatasan nitong bu­malangkas ng bagong kon­trata na hindi lugi ang gobyerno.