4 todas sa SCTEX road mishap

MANILA, Philippines — Apat na katao ang nasawi kabilang ang isang banyaga matapos maaksidente ang sinasakyan nilang sports utility vehicle sa kahabaan ng Subic-Clark-Tarlac Expressway (SCTEX) sa Tarlac City, Tarlac, kamakalawa ng hapon.

Ang mga nasawi ay kinilalang sina Steven Lwebuga, isang taga Uganda, driver ng behikulo; mga sakay nitong sina ­Vanessa Antor, 28; Jhovelle de Guzman, 28 at isa pang hindi nakilalang babae.

Nilalapatan ng lunas ang limang nasugatan kabilang si US Marine Derek Lee Reddick bunga ng nasabing trahedya sa SCTEX.

Sa ulat, kasalukuyang bumabagtas ang Mazda Sports Utility Vehicle sa kahabaan ng SCTEX nang makabanggaan nito ang isang Toyota Innova na bumabagtas sa kanilang direksyon at pagkatapos ay bumangga sa poste ng ilaw ang behikulo na nakabanggan ang iba pang mga sasakyan sa lugar.