Bihag na Cafgu, pinugutan ng NPA

MANILA, Philippines — Isang miyembro ng Cafgu na bihag ng teroristang New People’s Army (NPA) ang pinugutan kahapon ng umaga sa Tago, Surigao del Sur.

Kinilala ng 36th In­fantry Battalion ng Phi­lippine Army (PA) ang biktima na si Ryard Ba­diang, residente ng Sitio Ibuan, Brgy Mampi, Lanuza, Surigao del Sur na iniulat na kinidnap ng Communist NPA Terro­rist (CNTs) noong  Mayo 30, 2019.

Sa ulat, dakong alas-8:30 ng umaga nang ma­tagpuan ng mga sundalo na nagsasagawa ng hot pursuit operation ang na­aagnas ng bangkay ni Badiang na tanggal ang ulo sa katawan sa bisinidad ng Mahawan, Sitio Banahao, Brgy. Maitum, Tandag City.

Nabatid na ang pa­milya ng biktima ay uma­apela sa CNTs sa pamamagitan ng radio interview at lokal media para palayain si Ryard na isa umanong miyembro ng Cafgu at off duty nang dukutin.

Nanawagan naman­ si Lt. Col. Trinidad, commanding officer ng 36th IB sa provincial at local­ government na ak­syu­nan­ at kondenahin ang ginawang terorismo ng grupo kasabay ng paghamon sa lahat ng human rights advocate na imbestigahan ang nasabing insidente.