4 magkakapatid nadakip sa shabu session
MANILA, Philippines — Nadakip ng mga otoridad ang apat na magkapatid na lalaki na naaktuhang gumagamit ng iligal na droga sa isinagawang anti-criminality and anti-illegal drugs operations sa Quezon City kahapon ng madaling araw.
Ang mga naarestong magkakapatid ay kinilalang sina Arnel Linggaon,50;Aldino Linggaon, 48; Alberto Linggaon, 46; at Angelito Linggaon, 21 pawang residente ng Brgy. Bagong Silangan, Quezon City.
Sa ulat, dakong alas-12:30 ng madaling araw nang ikasa ng mga tauhan ng Station Drug Enforcement Unit (SDEU) ng Batasan Police Station (PS 6) ang drug bust operation target ang isang Richard Dumo alias Kangkong, 45 ang siyang target ng operasyon nakatira sa No. 375 Gen. Evanghelista St., Brgy. Bagong Silangan.
Subalit, pagdating sa lugar ay naaktuhang nagsasagawa ng “pot session” ang magkakapatid kaya siya inaresto na kung saan ay nasamsam ang nasa 14 na plastic sachet ng shabu at iba’t-ibang drug paraphernalia na nagkakahalaga ng P30,000 ang nakumpiska ng pulisya.
- Latest
