Dalagita ni-rape/slay
Mukha binalatan
MANILA, Philippines — Isang 16-anyos na dalagita na kolektor ng simbahan ang ginahasa at pinatay ng hindi pa kilalang suspek na hindi pa nakuntento ay binalatan pa ang mukha nito naganap sa Brgy. Bangkal, Lapu-Lapu City.
Sa ulat ng pulisya, bandang alas-6:00 ng umaga kahapon nang madiskubre ang bangkay ng biktimang si Christine Lee Silawan na walang pang-ibabang saplot sa katawan at binalatan ang mukha sa isang bakanteng lote sa Sitio Mahayahay, Brgy. Bangkal.
Nabatid na ang biktima ay isang Grade 9 student sa Maribago National High School, residente ng Brgy. Mactan, Lapu-Lapu City ay nagsisilbing kolektor sa Sacred Hearth Parish Church.
Huling nakitang buhay ang biktima nang kanyang mga magulang dakong alas-6:00 ng gabi nitong Linggo na nagpaalam na tutulong sa simbahan sa pangongolekta ng abuloy ng mga deboto.
Nabigong makauwi ng kanilang bahay ang biktima hanggang kinaumagahan ay natagpuan ang bangkay.
Kasalukuyan nang sinusuri ng mga otoridad ang closed circuit television sa lugar upang alamin kung may kasama ang dalagita habang naglalakad bago naganap ang krimen.
- Latest
