Lola,tiklo sa P3.4-M shabu

MANILA, Philippines — Nadakip ng mga tauhan ng PDEA ang isang 60-anyos na lola sa isang drug buy bust operation kahapon ng umaga sa Brgy. Guadalupe Nuevo, Makati City.

Kinilala ang suspek na si Susan Mata, tubong Aparri, at residente ng nasabing barangay at nakumpiska rito ang nasa P3.4 milyong halaga ng shabu.

Sa ulat ng PDEA, dakong alas-9:30 ng umaga nang maaresto ang suspek sa isang buy bust operation sa gilid ng P. Urdaneta Road, Brgy.Guadalupe Nuevo.

Inamin ni Mata na may isang taon pa lang siyang nagtutulak ng illegal na droga at inutusan lamang umano siya ng kanyang mister na si Servillano Mata Jr.

Ang suspek ay kinasuhan nang paglabag sa RA 9165 o Comprehensive Dangerous Drugs Act of 2002.