Fernando Poe Jr. magic taglay pa rin ni Grace Poe
MANILA, Philippines — Patuloy na hindi natitibag sa pagiging No. 1 sa survey si Sen. Grace Poe sa panibagong survey na inilabas ng Social Weather Station (SWS).
Sinabi ni STORM Consultants strategist Perry Callanta, dahil taglay pa rin ang mahika ng ama nitong si Fernando Poe Jr.
Kaya’t pinatunayan ni Poe ang linyang ‘strong independent woman’ nang makuha nito ang 68% boto ng mga respondent sa ginawa ng SWS mula Pebrero 25-28, 2019.
Sinundan siya ni Senador Cynthia Villar na may 61%. Habang mula sa dating puwesto na ikalima hanggang ikaanim, umangat si Bong Go sa ikatlo sa listahan at nakakuha ng 47%.
Pasok din sa Magic 12 sina Senador Pia Ca-yetano, 43%; dating Senador Lito Lapid, 41%; Senador Sonny Angara, 40%, at Nancy Binay, 37%; dating Senador Jinggoy Estrada, 36%, tabla kay Mar Roxas.
Sinundan sila nina Senador Bam Aquino, dating Senador Bong Revilla, at dating PNP chief Bato Dela Rosa, na may 34%.
- Latest
