MANILA, Philippines — Dinakip ng pulisya ang isang alkalde sa lalawigan ng Maguindanao dahil sa kinakaharap nitong kasong murder at multiple murder pagbaba nito sa eroplano mula sa Maynila, kamakalawa ng umaga.
Ang suspek ay kinilalang si Datu Salibo Maguindanao Municipal Mayor Norodin Salasal na inaresto sa bisa ng warrant of arrest sa kasong murder at multiple murder na inisyu ni Judge Bansawan Ibrahim ng RTC 12th Judicial Region Branch 13 sa Cotabato City.
Hindi na pumalag si Salasal at kusang sumama sa mga tauhan ng Buldon police office Maguindanao police office at Aviation Security Group (Avsegroup-12).
Nabatid na si Salasal ay kabilang sa drug watch list ni Pangulong Rodrigo Duterte.