Bagyong ‘Ompong’ lalo pang lumalakas
MANILA, Philippines — Lalo pa umanong lumakas ang bagyong Ompong na may international name na “Mangkhut” habang ito ay papalapit sa Philippine Area of Responsibility (PA).
Sa weather bulletin na ipinalabas ng Pagasa, nabatid na taglay na ni ‘Ompong’ ang lakas ng hangin na 170 kph at bugsong 210 kph at kumikilos sa bilis na 25kph.
Nakita ang mata ng bagyo sa 1,845 km East ng Southern Luzon at inaasahang papasok ng PAR ngayong Miyerkules at taglay pa din ang kategoryang super typhoon kaya maaaring magpalabas agad ng storm signal ang Pagasa sa Miyerkukes ng gabi.
Kung hindi magbabago ng direksiyon ay tatahakin ng bagyo ang Northern Luzon hanggang Biyernes at sa Sabado ay tatawid sa Cagayan-Batanes.
Kaya’t pinaghahanda na ng Pagasa ang publiko na gumawa ng precutionary measure para sa kani-kanilang kaligtasan dahil malakas ang paparating na bagyo ay hahatakin din nito ang hanging habagat.
Related video:
- Latest
