MANILA, Philippines — Nagpakalat ng anti-rape information flyers ang Angono, Rizal police para hindi mabiktima ng rape ang mga kababaihan.
Kasama sa mga ipinalabas na paalala ng Angono Municipal Police Station sa mga kababaihan ang hindi pagsusuot ng maiksing damit upang hindi ma-rape.
Agad namang binatikos ni Senator Risa Hontiveros ang anti-rape information flyer ng Angono, Rizal police na umano ay nakakadismaya ang nasabing dress code dahil nagsusulong ito ng “victim blaming” o paninisi sa mga biktima dahil sa kanilang pananamit.
Anya, maliwanag na mga rape victims ang sinisisi kung bakit sila nare-rape kaya’t pinaalalahanan nito ang pulisya na ang pagpili ng isusuot na damit ng mga kababaihan ay hindi nagiging dahilan para sila ay ma-rape, kundi ang mga rapist.
Sa halip anya na turuan ang mga kababaihan na magsuot ng maayos ay nililimitahan din ang pagpili sa mga isusuot na damit.