PhilHealth prexy pinasisibak kay Duterte
MANILA, Philippines — Pinasisibak ni Negros Oriental Rep. Arnie Teves kay Pangulong Duterte si Philhealth President Celestina Ma. Jude dela Serna nang hindi nito mapatino ang PhilHealth kundi lalo pang sumama nang pamunuan niya ito.
Noong Miyerkules na huling araw ng sesyon ng kongreso ay ikinairita ng mga solon nang diretsahang aminin sa kanila ni Dela Serna na tumira siya sa hotel sa loob ng isang taon na gastos ng PhilHealth.
Sa nakitang resibo ni Teves, isa sa tinirahan ng PhilHealth president ay ang Legend Villa na ang bayad ay P3,800 kada araw.
Hindi naman masabi ni Teves kung magkano ang kabuuang ginastos ng Philhealth sa pagtira ni Dela Serna sa hotel sa loob ng isang taon na pinaiimbestigahan na sa Kamara.
Matatandaan na si Dela Serna ay sinita na ng Commission on Audit (COA) dahil sa mahigit P600,000 na gastos nito kapabalik-balik mula Tagbilan at sa Metro Manila.
- Latest
