Tsuper dinedo sa pagbibiro

MANILA, Philippines — Hindi na umabot ng buhay sa ospital ang isang tsuper nang ito ay ataduhin ng saksak ng isang helper na napikon sa pagbibiro ng una naganap kamakalawa ng gabi sa Pasay City.

Ang biktima ay kinilalang si Rodel Francisco, binata, ng MRS Apartment, Door 10, 103 Condominium, Brgy. 189, Zone 20 ng siyudad. Naaresto naman ang suspek na si Gero De Asis,  32.

Batay sa ulat, bago nangyari ang krimen dakong alas-9:40 ng gabi ay biniro ng biktima ang suspek na isang babaero na ikinapikon nito hanggang sa magkaroon nang mainitang pagtatalo.

Sa gitna nang pagtatalo ay kumuha ng patalim ang suspek at inundayan nito ng dalawang saksak ang biktima sa katawan na ikinasawi nito.