Comelec ipapatupad ang anti-dynasty sa barangay at SK elections

MANILA, Philippines — Ipapatupad sa kauna-una­hang pagkakataon ng Commission on Elections (Comelec) sa nalalapit na  Barangay at Sangguniang Kabataan (SK) elections ang anti-dynasty provision.

Sinabi ni Comelec spokesman James Jimenez, na kaila­ngan na ilagay ng mga SK candidates sa kanilang  certificates of candidacy o COC na wala silang relasyon sa mga kasalukuyang barangay officials at elected government official.

Matatandaang pinirmahan ni dating pangulong Benigno Aquino ang Sangguniang Kabataan Reform Act of 2015 kung saan kabilang ang anti-dynasty provision.