Dahil sa mga foreign trips: Marina chief sinibak ni Duterte
MANILA, Philippines — Dahil sa sobra-sobrang biyahe sa labas ng bansa ay tuluyan nang sinibak kahapon ni Pangulong Rodrigo Duterte si Maritime Industry Authority (Marina) administrator Marcial Amaro III.
Ayon kay Presidential Spokesperson Harry Roque Jr. na natuklasan ni Duterte ang 24 foreign trips ni Amaro na ang 6 ay noong 2016 at ang 18 noong 2017, simula nang siya ay italaga sa puwesto ng Pangulo noong Hulyo 2016.
Magugunita na kamakalawa ay naglabas din ng memorandum si Pangulong Duterte kung saan ay naglilimita sa mga foreign trips ng mga opisyal ng gobyerno.
Nabatid na inireklamo ng Alliance of MARINA Employees kay Pangulong Duterte si Amaro kung saan inakusahan ng mga ito si Amaro na ‘absentee administrator’ na palaging wala sa kanyang opisina dahil sa kanyang mga foreign travel.
Una nang sinibak ni Pangulong Duterte dahil sa junket sina PCUP chairman Terry Ridon at DAP president Elba Cruz.
- Latest
