MPD drug ops: 6 totdas
MANILA, Philippines - Patay ang anim na drug suspects nang manlaban umano sa magkakahiwalay na anti-drug operations ng Manila Police District (MPD) kahapon ng madaling araw sa lungsod ng Maynila.
Napatay dakong alas-12:48 ng madaling araw ng MPD-Station 2 si Frankie Neri, 30-35, ng Bldg. A Sambahayanan, Kagitingan St., Tondo nang manlaban umano sa mga pulis sa buy bust operation sa Moriones St., Tondo at ala-1:30 ng madaling araw ang magkapatid na sina Rolando Morales, 43 at Restituto, 35, ng no. 297 Sta. Rita St., Tondo; at Marvin Varona, 25, ng Sta. Bernardita St., Tondo.
Narekober sa mga suspek ang isang kalibre .38 baril at 14 plastic sachet na naglalaman ng hinihinalang shabu.
Kahapon ng alas-11:45 ng umaga nang mapatay ng MPD-Station 3 sina Manuel Aromiro, alyas “Mano”, 51, ng No. 831 Sulu St., Sta. Cruz; at si Raymart Mendoza, 20, ng no. 2888 Tambunting St., Sta. Cruz, Maynila at nakuha sa kanila ang dalawang kalibre .38 baril, buy bust money at hinihinalang shabu na aabot sa halagang P3,000.
- Latest
