Digong tutol sa abortion, aprub sa condom
MANILA, Philippines - Bagama’t tutol sa abortion ay suportado ni Pangulong Rodrigo Duterte ang family planning upang maiwasan ang unwanted pregnancies.
Binigyang-diin ng Pangulo kamakalawa ng gabi dito sa Baguio City na upang maiwasan ang unwanted pregnancies sa kababaihan ay suportado niya ang pamamahagi ng condom sa mga public schools.
“I hate abortion. Hindi talaga p’wede iyan. It becomes an incongruity na patayin mo ang bata sa loob. You have to prevent pregnancy. Do not favor (abortions). I hate it. But family planning, yes, prevention of pregnancy. But killing of the fetus inside, mahirap iyan, walang laban iyong ano--kaya mabuti talaga na liberal na lang tayo pati mga estudyante. Bigyan mo na lang ng condoms and pills,” paliwanag pa ng Pangulo.
Aniya, hindi mo maaaring pigilan ang pag-iinit ng katawan para sa sex kaya mas mainam na maging liberated tayo pagdating dito.
“Hindi iyan madala ng kalendaryo-kalendaryo. You cannot postpone your libido next week. Paano ba naman i-schedule ang libog mo? You must be stupid, really. Think about it... Ano ito klase, may bagyo, may postponement?” dagdag pa ni Duterte.
- Latest
