Dedma sa pag-usok ng bulkan Heart namangka sa bulusan

Binisita ni Heart Evangelista ang Sorsogon, ang probinsiya ng asawa niyang si Sen. Chiz Escudero. Sa posts ng Kapuso actress sa kanyang Instagram account, wala kaming nakitang picture ng asawa, huh!

Ipinagmalaki ni Heart ang puno ng narra na kanyang itinamin three years ago. Pati ang lugar kung saan kinunan ang pre-nuptial nila ni Sen. Chiz ay binalikan ng Heart, sa bayan ng Barcelona.

Wala ring takot na namangka si Heart sa Bulusan Lake kasama ang mga kaibigan. ‘Di ba, may recent alert dahil sa muling pag-usok ng Mt. Bulusan?

Umiikot man sa Balesin, Palawan, Boracay si Heart, hindi pa rin nawawala sa puso niya ang Sorsogon, huh!

Indian actor Virgin pa raw kahit laging kita ang singit at pabuka-bukaka

Wala ring arte ang baguhang Indian actor na si Addy Raj kung ibalandra man ang katawan o kung minsan ay masilipan ng singit sa kinabibilangan niyang GMA series na Meant To Be. Madalas na nakasando at shorts lang si Addy kapag sa condo ang eksena niya.

Sa isang episode na aming napanood, bumuka-bukaka pa siya sa sofa na halos kita na ang singit dahil sa maluwag na shorts, huh! Buti na lang, game lang ang Indian actor sa mga eksenang ganoon.

Solong naninirahan si Addy sa bansa. Kung dati ay prim and proper ang condo niya, ngayong artista na siya, wala siyang pakialam kung gumulo ang loob nito dahil mas importante sa kanya ang makatulog kesa panatilihin na maayos ang laman ng tinitirhan.

Hindi ba worried ang parents niya na baka mawala ang virginity niya rito?

“Ha! Ha! Ha! Did I say I was a virgin? Ha! Ha! Ha! Okay, let’s go with that!” bulalas ni Addy.

“I hope I can lose mine! Ha! Ha! Ha!” dugtong ng isa sa kapareha ni Barbie Forteza.

Hindi pa ba?

“Yeah! Ha! Ha! Ha” sakay naman niya.

Inulit ng press ang tanong sa kanya. Are you still a virgin?

“Yes! Ha! Ha! Ha!” diin ni Addy.

EB dabarkad Sinon 6.5 million ang views ng Miss Universe cat walk

Binuhay muli ng Eat Bulaga Dabarkads na si Sinon Loresca ang blue gown na may slit na naging viral sa social media.

Nang unang ilabas ni Sinon ang video ng kanyang Miss Universe cat walk, hindi lang sa bansa pinag-usapan ito kungdi sa buong mundo, huh! Take note na as of presstime, may 6.5 million views na ito at 15 million likes naman matapos i-upload four days ago.

Maging ilang on line publications gaya ng Elite Readers, Cosmopolitan, Daily Mail UK, 9gag at Daily Mail Australia ang napa-wow sa talento ng EB Dabarkads. Kung si Paolo Ballesteros ay King of Transformation, si Sinon naman daw ang Catwalk King.

Anyway, ang kalokahan ni Sinon ay mapapanood sa upcoming GMA afternoon series na Impostora.