Magtatay timbog sa marijuana sa paso
MANILA, Philippines - Isang mag-ama ang dinakip sa kanilang bahay matapos makita na inilalabas mula sa kanilang bahay ang isang paso na may tanim na marijuana kamakalawa ng gabi sa Tondo, Maynila.
Ang mag-ama ay kinilalang si Robert Taraya, 46, driver; at John Kenneth Taraya, 21, pintor, kapwa residente ng no. 2170 Infanta St., Balut, Tondo.
Sa ulat, dakong alas-11:30 ng gabi nang magsagawa ng anti-criminality campaign ang pulis at sinita nila ang mag-ama dahil nakita ang hawak na paso na korteng marijuana ang dahon na inilabas mula sa kanilang bahay.
Itinanggi ng mag-ama na sa kanila ang nasabing halaman na umano ay iniwan lamang umano ng kanilang kaibigan, subalit nakumpiska sa kanila ang 3 plastic sachet ng pinatuyong dahon ng marijuana at mga buto na pinaniniwalaang tangkang itanim pa.
- Latest
