MANILA, Philippines – Gutay ang mga katawan ng isang ama at 5-anyos nitong anak nang pasabugin ng una ang dalang dinamita kasama ang huli nang iwan ng live in partner na naganap kahapon ng madaling araw sa Brgy. Singi, Vinzons, Camarines Norte.
Kinilala ng pulis ang mag-amang Alfonso Asis at ang anak na itinago sa pangalang Boy.
Sa imbestigasyon bago nangyari ang pagpapasabog ng dinamita dakong alas-12:00 ng madaling araw ay naglasing muna ang matandang Asis nang mabalitaang may bago nang kinakasama ang ka-live in.
Bumalik ang ka-live in ni Asis para kunin ang kanilang anak at bago pa makuha ng ginang ang anak ay sumambulat na ang dinamita na nakaipit sa katawan.
Nagkalasug-lasog at nagkahiwahiwalay ang mga parte ng katawan ng mag-ama habang malubhang nasugatan naman ang isang pang anak na nasa paanan ng ama.