MANILA, Philippines – Isang libong piso na dagdag na pension para sa mga pensyonado ng Social Security System (SSS) ang isinusulong ni House Speaker Feliciano Belmonte.
Ito ay upang compromise umano sa pagkaka-veto ni Pangulong Aquino sa panukalang magdaragdag ng P2,000 sa SSS pension.
Ang suhestiyon ni Belmonte ay hindi na kailangan pang idaan sa kongreso at maaaring ang ehekutibo at pamunuan na ng SSS ang magdesisyon sa pagbibigay ng P1,000 pensyon.
Bago umano ito ay kailangan din munang pagtibayin ng Senado ang nakabinbing panukala rito na magbibigay ng poder sa SSS para magtaas ng kontribusyon nang hindi na kailangan pa ng approval ng Pangulo.
Ang nasabing panukala ay tinawag na sister bill ng panukala para sa dagdag sana na P2,000 sa SSS pension.