MANILA, Philippines – Dead-on-the-spot ang isang 61-anyos na lola nang masagasaan at magulungan ng isang trailer truck habang papatawid ito sa kahabaan ng C-3 Road, Caloocan City kahapon ng umaga.
Ang nasawi sanhi ng tinamong matinding pinsala sa ulo at katawan ay kinilalang si Rodita Darde-Chua, ng Pamasawata, Block 6, Barangay 28 ng nasabing lungsod.
Ang suspek na nasa kustodya ng pulisya ay kinilalang si Elizer Cascayan, 23, ng Pagudpud, Ilocos Norte.
Batay sa ulat, dakong alas-5:00 ng umaga ay tumatawid ang biktima sa kahabaan ng C-3 Road ng naturang lungsod at hindi nito namalayan ang paparating na trailer truck (TWF-238) at huli na bago ito nakapagpreno si Cascayan at nahagip nito ang matanda na pumailalim at nagulungan.