Shotgun isinubo, ipinutok ng sekyu
MANILA, Philippines – Natagpuang patay sa loob ng banyo ng isang gasoline station ang isang security guard nang magbaril ito sa bibig kahapon ng madaling araw sa Quezon City.
Ang nasawi ay nakilalang si Judy Boy Picaso, 27 ng Sarmiento Compound, Brgy. Pasong Tamo sa lungsod.
Batay sa ulat, dakong alas-2:00 ng madaling araw ay gagamit ng banyo ang isang Bong Samsona sa nasabing gas station na matatagpuan sa kanto ng Congressional Avenue, at Visayas Avenue nang mabigla ito sa pagbukas ng pinto ay gumulantang ang duguang bangkay ng biktima.
Agad nitong ipinagbigay alam sa barangay na siya namang tumawag ng otoridad para sa pagsisiyasat.
Sa imbestigasyon ng Scene of the Crime Operatives (SOCO) narekober sa tabi ng biktima ang isang armscor shotgun na may isang bala at isang basyo na hinala ng pulisya na isinubo ang baril at ipinutok kaya’t sumabog ang likurang bahagi ng ulo nito.
Napag-alaman ng pulisya na ang biktima ay iniwan ng kanyang live in partner na posibleng dahilan nang pagpapakamatay nito.
- Latest
