Tolentino hindi na tatakbo sa ilalim ng LP

MANILA, Philippines – Matapos ang isyu “Playgirls” dancer sa Laguna kasabay ang paghingi ng sorry ay hindi na interesadong tumakbo sa ilalim ng Liberal Party (LP) si  MMDA chairman Francis Tolentino.

“Pinaaabot ko po ang paghingi ng pang-unawa, paghingi ng kapatawaran doon sa mga ating nasaktang grupo ng kababaihan dahil sa sitwasyong nangyari sa Sta. Cruz, Laguna. Naging kamalian ko at tinatanggap ko ang hindi pagpigil doon sa naging performance ng mananayaw dahil ako ang pinakamataas na opisyal ng pamahalaan doon sa naturang lugar,” wika pa ni Tolentino.

Hiniling din ni Tolentino sa LP na huwag na siyang isama sa senatorial line-up ng administrasyon para sa darating na 2016 elections at nagbitiw na rin ito kahapon bilang MMDA chairman.

Kinasuhan naman si Tolentino ng 10 labor groups sa Office of the Ombudsman dahil sa misconduct kaugnay sa Playgirls isyu na sinasabing iniregalo nito kay Rep. Agarao sa kaarawan nito.