MANILA, Philippines – Bumagsak sa kamay ng pulisya ang isang lalaki na may kasong murder sa Malabon City matapos ang mahigit isang taon na pagtatago sa batas matapos itong masakote ng mga pulis sa isang follow-up operation sa Caloocan City.
Kinilala ang nadakip na akusado na si R-Jay Aparri Cordero “alyas Nognog” ng nasabing lungsod.
Batay sa ulat, dakong alas-5:00 ng hapon nang madakip si Cordero sa kahabaan ng 11th Avenue, Grace Park, Caloocan City sa bisa ng warrant of arrest na ipinalabas ni Judge Celso Magsino Jr., ng Malabon City Regional Trial Court (RTC), Branch 74.
Base record ng korte, nabatid, na noong July 21, 2014, alas-10:30 ng umaga nang barilin ng akusado ang biktimang si Noel Durante, 18, ng Block 9-C, Lot 30, sa kahabaan ng Hiwas St., Barangay Longos, Malabon City.