Iniwan ng lover lumagok ng lason
MANILA, Philippines - Hindi na umabot ng buhay sa ospital ang isang 26-anyos na vendor matapos itong magpakamatay sa pamamagitan nang pag-inom ng silver cleaner kamakalawa ng hapon sa Barangay Sto.Niño, Marikina City.
Ang biktima ay nakilalang si Marcelino Balbuena, 26, residente ng 473 Emperor J. P. Rizal St., Barangay Sto. Niño ng lungsod.
Batay sa imbestigasyon ni PO2 Nicolas Lapie, dakong alsa-12:20 ng hapon nang madiskubre ang pagpapakamatay ng biktima sa loob ng kanyang inuupahang kuwarto.
Nabatid na bago ang pag-inom ng silver cleaner ay
nagkaroon ng pagtatalo sa pagitan ng biktima at ng nanay ng kanyang live-in partner na si Marilyn Dizon dakong alas-3:00 ng madaling araw kamakalawa at nagbaranggayan ang mga ito.
Napagkasunduan na uuwi na lamang ang kanyang kinakasama sa bahay ng mga magulang nito na hindi matanggap ng biktima kaya’t pag-uwi ay kaagad itong naglasing at saka lumagok ng silver cleaner.
- Latest
