SWAT police itinumba
MANILA, Philippines – Dead-on-the-spot ang isang pulis na nakatalaga sa Special Weapons and Tactic (SWAT) ng Mandaluyong Police Station makaraang pagbabarilin ng hindi pa nakikilalang suspek kahapon ng madaling araw Mandaluyong City.
Ang nasawing biktima dahil sa tatlong tama ng bala sa batok at iba’t ibang bahagi ng katawan ay kinilalang si PO1 Carlito Reguiere, 37, may-asawa, nakatira sa 74 Lanzones St., Block 37, Welferville Compound sa lungsod.
Sa imbestigasyon, dakong ala-1:45 ng madaling araw sa Block 40, Brgy. Addition Hills ay galing ang biktima sa Muslim area at pasakay na sa kanyang motorsiklo na may plakang VU-3061 nang sumulpot ang isang lalaki at pagbabarilin nang malapitan ang biktima.
Malaki ang hinala ng misis ng biktima na si Josephine na may kinalaman sa trabaho ng kanyang mister ang ginawang pamamaslang dito.
- Latest
