Shootout: 2 motorbike thieves dedo

MANILA, Philippines – Napatay ang dalawang kilabot na motorbike thieves makaraang makipagbarilan sa mga operatiba ng pulisya sa Barangay Piñahan sa Quezon City kahapon ng madaling araw.

Kasalukuyang bineberipika ng mga tauhan ni P/Supt. Rodel Marcelo ang pagkakakilanlan ng dalawang napatay na kapwa naka-black jacket, naka -short pants, naka-rubber shoes  at katamtaman ang mga pangangatawan.

Lumilitaw na bago mapatay ang dalawa ay hinarang at  sinikwat ang motorsiklo ng biktimang si Beverly Rizalon sa kahabaan ng Aurora Blvd.

Wala namang nagawa ang biktima kundi ang humingi ng saklolo sa mga nagpapatrolyang pulis naganap ang habulan kung saan imbes na sumuko ay nakipagbarilan ang dalawa hanggang sa mapatay.

Narekober sa mga napatay ang dalawang baril at ang motorsiklo ni Rizalon.