Region 1 workers nadagdagan ng P14.00 sa suweldo

MANILA, Philippines - Iniulat kahapon ni Labor and Employment Secretary Rosalinda Baldoz ang dagdag na P14.00 sa suweldo ng mga minimum wage earner sa Region 1.

Inaprubahan  ng Regional Tripartite Wages and Productivity Board sa Region 1 (RTWPB-1) ang Wage Order No. RB1-17  na nagtatakda nang pagtataas ng suweldo P14.00 sa kanilang  daily minimum wage rates ng mga manggagawa at empleyado na mas mababa sa poverty income threshold, lalo na sa sector ng  non-agriculture (micro) at  agriculture (non-plantation).

Sinabi ni Baldoz, ibibigay ang  increase sa dalawang tranche kung saan ang unang bahagi ay  sa effectivity  ng  wage order habang  ang ikalawa naman ay ibibigay sa Disyembre  2015.