MANILA, Philippines - Nagpalabas ng P100K reward ang pamunuan ng Metropolitan Manila Development Authority (MMDA) laban sa tatlong holdaper na nagpainom ng asido sa isang traffic enforcer na kanilang hinoldap sa Caloocan City.
Brutal ang naging kamatayan ni Traffic Constable na si Alfredo Barrios mula sa kamay ng tatlong holdaper.
Batay sa ulat, pauwi na ang biktima sa bahay nito sa Brixton, Camarin, Caloocan City nang holdapin ng tatlong kalalakihan.
Hindi nakapalag ang biktima at ibinigay na lamang ang kanyang mga gamit, subalit hindi pa nakuntento ang mga suspek ay hinawakan ang dalawa nitong kamay at pinainom ng asido na agad ikinasawi nito.
Una nang hiniling ni Tolentino sa mga otoridad, na magsagawa ng malalimang imbestigasyon hinggil sa hindi makataong sinapit ni Barrios na regular na kawani ng MMDA.