MANILA, Philippines - Dedo ang isa katao habang kritikal ang driver nang aksidenteng mahulog sa bangin ang Elf truck sa highway ng Barangay Monamun Sur, Bauko, Mountain Province kamakalawa ng gabi.
Sa ulat ni Chief Supt. Isagani Nerez, Cordillera Police Director, kinilala ang nasawing biktima na si Tamate Lapaz, dead on the spot sa insidente. Malubha naman ang kalagayan ng driver na si Joefrey Sapap, 35.
Sa ulat ng pulisya, dakong alas-10 ng gabi ng mahulog sa 300 metrong lalim ng bangin ang Elf truck (HGR 437, kung saan patungo ito sa Bauko mula sa La Trinidad, Benguet.
Isinasailalim pa ng mga awtoridad sa masusing imbestigasyon ang kasong ito.