MANILA, Philippines - Nadakip nang pinagsanib na puwersa ng Camarines Norte Police Intelligence Branch, 49 Infantry Battalion ng Philippine Army at Philippine Air Force ang isang dating NPA Finance Officer kamakalawa ng gabi sa bahagi ng Purok 4, Barangay Luklukan Sur, Jose Panganiban, Camarines Norte.
Ang suspek ay si Oscar “Ka Eugene” Galecia, 50, dating finance officer sa ilalim ng Komprob Xerox, Front 72 simula noong 2005 hanggang 2009 at residente ng Sitio Matanlang, Barangay Tawig, Paracale, Camarines Norte.
Ang suspek ay inaresto batay sa warrant of arrest na inisyu nina Judge Virgilio P. Ferrer ng RTC Branch 64 at Judge Rolando De Lemios Bobis ng RTC Branch 64 sa tatlong kaso ng robbery in band at arson.