MANILA, Philippines - Isang 38-anyos na binata ang nasawi nang ito ay barilin ng isang pulis na kapwa may alitan sa isa’t isa nang magsalubong kamakalawa sa Brgy. Poblacion, Kabasalan, Zamboanga Sibugay.
Nasawi noon din ang biktima na kinilalang si Michell Abracia.
Tinutugis ng pulisya ang suspek na si PO2 Rolly Balde, nakatalaga sa Kabasalan Municipal Police Station.
Batay sa ulat, bandang alas-12:45 ng hapon ay nagkrus sa nasabing lugar ang landas ng suspek at biktima na may alitan sa isa’t isa.
Agad binunot ng nasabing parak ang kaniyang service firearms at pinaputukan ang biktima nang sunud-sunod at namatay noon din sa insidente.
Mabilis namang tumakas ang suspek sakay ng motor na walang plaka patungo sa hindi pa malamang destinasyon. - Joy Cantos-