MANILA, Philippines – Dalawang katao ang nalibing nang buhay matapos matabunan ng lupa ang kanilang bahay kamakalawa sa Brgy. Panampalay, Roxas, Zamboanga del Norte.
Ang mga nasawi ay kinilalang sina Rudy Tagad, 53; at Nelly Joy del Pilar, 9.
Batay sa ulat, dakong alas-10:00 ng umaga nang bigla na lamang nakarinig ng malakas na dagundong ang mga residente sa lugar at kasunod nito ay natabunan ang bahay ng mga biktima na nasa paanan ng bundok.
Ayon kay Inspector Dahlan Samuddin, spokesman ng Police Regional Office (PRO) 9 ang landslide ay sanhi ng malalakas na pag-ulan nitong nakalipas na araw na posibleng nagpalambot sa lupa.