Paslit, utol na sanggol natupok
MANILA, Philippines – Natupok sa sunog ang isang 5-anyos na batang babae at kapatid nitong 2 buwang gulang na sanggol na babae matapos na masunog ang tinitirhan nilang barung-barong na nakatayo sa gilid ng Yuseco at Batangas St., Tondo, Maynila.
Namatay habang dinadala sa ospital ang magkapatid na sina Princess Apple Tolentino, 5-anyos at kapatid na sanggol na si Anna Marie.
Batay sa ulat, alas-2:00 ng madaling araw nang masunog ang barung-barong ng magkapatid dahil sa natumbang kandila matapos na sila ay iwan sandali ng ina nilang si Josephine, 34, para bumili ng pagkain.
Ilang sandali pag-uwi nito ay nakitang nasusunog ang kanilang barung-barong na agad humingi ng tulong sa mga kapitbahay para maapula ang apoy.
Hindi naman dumating ang mga bumbero dahil tanging ang barung-barong nila ang nasunog na napatay ng mga residente.
- Latest
