MANILA, Philippines - Idineklarang dead on arrival sa pagamutan ang isang lalaki matapos na siya ay masalpok ng isang SUV habang nagmamaneho ng motorsiklo kamakalawa sa kahabaan ng Tagaytay Road, Tagaytay City, Cavite.
Ang nasawi ay kinilalang si Abello Adrian, binata, call center agent, ng # 201 Montenegro St., Brgy. 5 Brgy.Poblacion, Alfonso, Cavite.
Naaresto naman ang driver ng Mitsubishi Adventure (ZGH-679) na si Jemylyn Gayas, 25, IT consultant residente ng Blk. 48, Lot 16, Canlubang, Laguna.
Sa ulat, dakong alas-2:30 ng madaling araw ay minamaneho ng biktima ang kanyang motorsiklo at binabagtas ang nasabing highway ng masalpok.
Sa lakas ng pagkasalpok ay tumilapon ang biktima na una ang ulo na bumagsak sa kalsada na naging dahilan ng kamatayan nito.-Cristina Timbang-