MANILA, Philippines – Napatay ang dalawang miyembro ng Bangsamoro Islamic Freedom Fighters (BIFF) habang dalawang sundalo ang nasugatan nang muling magsagupa sa liblib na lugar sa Brgy. Nabundas, Shariff Saydona Mustapha, Maguindanao kahapon ng umaga.
Batay sa ulat, dakong alas-8:00 ng umaga ay kasalukuyang nagsasagawa ng security patrol ang dalawang platoon ng Army’s 45th Infantry Battalion upang hanapin ang napaulat na Improvised Explosive Device (IED) nang makasagupa ang nasa 30 BIFF sa nasabing lugar na pinamumunuan ng isang alyas Commander Sanad at alyas Bisaya.
Nagbunsod sa palitan ng putok sa pagitan ng magkabilang panig na ikinasugat ng dalawang sundalo at pagkasawi ng dalawang BIFF rebels kung saan ay marami pa sa mga ito ang sugatang nakatakas.