MANILA, Philippines - Arestado ang isang miyembro ng bigtime drug pusher na nakapiit sa New Bilibid Prison (NBP) na umano’y isa sa responsable sa serye ng paghahagis ng granada sa istasyon ng pulisya, pagpatay sa isang pulis-Maynila, panlalason sa mga preso, kung saan isa ang nasawi at itinuturo din bilang ‘trigger happy’ ng Tondo at lider ng holdup gang, sa isinagawang operasyon kahapon ng hapon, sa Tondo, Maynila.
Iprinisinta sa media ni Manila Mayor Joseph Estrada ang suspek na si Christopher “Toper” Bajar Y Lagoda, 32, ng Aroma Compound, Vitas, Tondo, at isang granada, na narekober sa kaniyang ‘lungga’ at lima pang suspek.
Dakong alas-3:00 ng hapon nang salakayin ng mga nag-aantabay na pulis ang safehouse ni Toper, sa Bldg. 32 Aroma Compound, Vitas, Tondo. Ang suspek ay tauhan umano ng bigtime druglord na alyas “Briggs” na nakakulong sa NBP dahil sa kasong iligal na droga.
Sangkot din umano si Toper sa pagpatay ng isang pulis na nakatalaga sa Binondo (station 1) at ang nag-utos sa isang babae na dumalaw at magdala ng Tropicana bottled juice at sandwich sa nakapiit na si Francis Mark Morallos na may kasong paglabag sa Republic Act 9165 na kinasawi ng isang Jervy Hernandez, pedicab driver.
May impormasyon din umano si Toper ang mahilig mamaril ng walang dahilan o ‘trigger happy’ sa kanilang lugar at holdapan sa Tondo.