MANILA, Philippines – Dead-on-the-spot ang isang 35-anyos na bus driver nang ito ay barilin sa ulo ng nakatalong pasahero tungkol sa mataas na pasahe kamakalawa sa bayan ng Ramon Magsaysay, Zamboanga del Sur.
Ang nasawi ay kinilalang si Dominico Concordas, 35 anyos, driver ng Rural Transit Bus. Habang hindi pa kilala ang suspek na agad tumakas.
Batay sa ulat, alas-12:30 ng tanghali ay minamaneho ng biktima ang bus (JVH-339) ang kahabaan ng national highway ng nasabing lugar nang pumara ang suspek at sumakay.
Umupo sa ikatlong hanay ng upuan ang suspek at hindi pa nagtatagal ay nagtalo na sila ng biktima tungkol sa pasahe.
Biglang pumara ang suspek at nang ihinto ng biktima ang bus ay siya namang pagbunot ng baril ng suspek at bago bumaba ay binaril ang biktima sa ulo.