MANILA, Philippines - Mahigpit na tinutulan ng Catholic Bishops Conference of the Philippines- Episcopal Commission on Public Affairs ang nilulutong tax sa text ng gobyerno.
Ipinaliwanag ng CBCP na sa halip na isulong ang pagbubuwis sa text messaging, dapat munang suriin ng pamahalaan ang kanilang pagiging inefficiency sa pangongolekta ng ibat ibang buwis at kung saan napupunta ang koleksyon at hindi ibinubulsa ng mga opisyal nito.
Indikasyon lamang umano ito na hindi epektibo ang pamahalaan samantalang marami na umano ang buwis na pinagkukunan na kinabibilangan ng excise tax at road user tax.
Dapat din na munang ipaliwanag ng gobyerno kung saan napupunta ang mga buwis lalo pa’t may isyu ng DAP at PDAF na kinasasangkutan ng mga mambabatas at iba pang government officials.