Tatlong bala sa ulo ng babaeng police asset

MANILA, Philippines - Dead-on-the-spot ang isang 26-anyos na ginang na umano ay police asset matapos barilin ng tatlong beses sa ulo ng isang lalaki kamakalawa ng gabi sa Tondo, Maynila.

Ang nasawi ay kinilalang si  Alicia Sentileses ng Road 10, Pier 18, Vitas, Tondo single mother.

Sa ulat, dakong alas-8:00 ng gabi ay nakatayo lang ang biktima malapit sa tabing dagat sa Buil­ding 1, Katuparan Village, Vitas, Tondo nang lapitan ng hindi nakikilalang suspek at malapitang binaril sa ulo nang sunod-sunod.

Malaki ang hinala ng pulisya na ang suspek ay gunman ng mga tulak ng iligal na droga sa lugar na siyang napeperwisyo sa pagtuturo umano ng biktima.