Tularan si Ninoy, wag si Macoy
MANILA, Philippines - Tularan ang amang si dating Senador Ninoy Aquino at hindi ang diktador na si dating Pangulong Ferdinand Marcos.
Ito ang naging payo ng grupong Sanlakas, Bukluran ng Manggagawang Pilipino at ng Maralitang taga-lunsod kay Pangulong Noynoy Aquino
Ayon kay Atty. Aaron Pedrosa, secretary general ng grupong Sanlakas, kung tunay na pinakikinggan ni Noynoy ang kanyang mga boss dapat batid nito na tutol ang mamamayan sa pag-amienda ng Saligang Batas ng 1987 para mabawasan ang kapangyarihan ng Korte Suprema at mapalawig ang kanyang termino bilang Pangulo ng bansa.
Ayon kay Pedrosa ang naturang hakbang ay hindi sagot sa malawakang kawalan ng trabaho sa bansa at pagtaas ng presyo ng mga pangunahing bilihin gayundin ay hindi sagot sa kapalpakan ng kanyang burukrasya. Kung maaalala anya ni Noynoy ang malaking naiambag ng kanyang amang si Ninoy sa paglaban sa diktaduryang Marcos para sa kapakanan ng mamamayan kayat brutal itong pinaslang may 31 taon na ang nakakaraan malayo ang pagkakaiba nilang mag-ama.
Ipinagdiwang kahapon ng naturang mga grupo sa pamamagitan ng maikling programa ang ika-31 taong anibersaryo ng pagpaslang kay Ninoy sa monumento nito na itinayo ng QC government sa kanto ng West Avenue at Quezon Avenue sa QC.
- Latest
