MANILA, Philippines - Hindi na umabot ng buhay sa ospital ang isang lalaki matapos na ang ulo nito ay unang bumagsak sa semento nang madulas sa bubungan ng isang pabrika sa Caloocan City kamakalawa ng hapon.
Ang nasawi ay kinilalang si Jayson Beleber, 30, ng Kagitingan St., Tondo, Maynila.
Sa ulat, dakong alas-4:00 ng hapon ay umakyat sa bubungan ng Malinta Corrugated Box Manufactured Corporation sa Libis, Baesa nang madulas ito dahilan upang mahulog na una ang ulo sa sementadong sahig.
Inaalam pa ng pulisya kung bakit nasa bubungan ng naturang pabrika si Beleber.